Սերիալներն ու սերիալների հերոսները դառնում են դիտողների ընկերները, որոնց հետ հանդիպելուն սպասում ենք ամբողջ օրը, սպասում ենք աշխատանքից երեկոյան տուն վերադառնալուն և հանգիստը սիրելի հերոսների հետ վայելելուն։
Այս հոդվածով առանձնացրել ենք 2023 թվականի լավագույն սերիալներից 3-ը և առաջարկում ենք անպայման դիտել։
Մեզանից վերջինը / The Last of Us / Одни из нас
Կանադա, ԱՄՆ, 2023 թ.
Գիտաֆանտաստիկա, դրամա, սարսափ
Տևողությունը՝ 9 մաս
2003 թվականի սեպտեմբերի վերջին մարդկությունը վարակվում է կորդիսեպսով՝ համաճարակ-սունկ, որը, նախկինում վարակելով միայն միջատներին, այժմ հարմարվել է գոյատևելու մարդու մարմնում:
Համաճարակի հենց առաջին օրերին Ջոելը անդառնալի կորուստ է ունենում․․․ 20 տարի անց նա ապրում է Բոստոնի կարանտինային գոտում, որը գտնվում է Աղետների կառավարման դաշնային գործակալության խիստ հսկողության ներքո, և ընկերուհու՝ Թեսսի հետ փորձում է մեքենայի մարտկոց ձեռք բերել, որպեսզի կարողանան փնտրել եղբորը․․․
Բեքհեմ / Beckham / Бекхэм
Մեծ Բրիտանիա, ԱՄՆ, 2023 թ.
Վավերագրական, կենսագրություն, սպորտ
Տևողությունը՝ 4 մաս
Այս վավերագրական սերիալը պատմում է Դեւիդ Բեքհեմի կարիերայի և անձնական կյանքի մասին։ Ինչպե՞ս սկսվեց ամեն բան, ինչպե՞ս նա հասավ հաջողության, ի՞նչ դեր խաղաց Վիկտորիան Դեւիդի կարիերայի զարգացման գործում։ Չորս մասերից բաղկացած սերիալ, որ անպայման արժե դիտել։
Քովբոյը Կոպենհագենից / Copenhagen Cowboy / Ковбой из Копенгагена
Դանիա, 2023 թ.
Դրամա, կրիմինալ, ֆանտաստիկա
Տևողությունը՝ 6 մաս
Խորհրդավոր ու տարօրինակ Միուն երկար տարիներ անցկացրել է գերության մեջ։ Նա ցանկանում է վրեժխնդիր լինել իր երդվյալ թշնամուց և դրա համար ծանոթանում է Կոպենհագենի անդրգրաունդի հետ․․․